لە رووداوێکى هاتووچۆدا لە ئێران ٢١ کەس گیانیان لەدەستدا
جەواد دروستکار بەرپرسی پۆلیسى ئیسفەهان رایگەیاند، لە بەریەککەوتنى ئۆتۆمبێلێکى نەوت هەڵگر و پاسێکدا ٢١ کەس گیانیان لەدەستدا و ٢٦ کەسى تریش بریندار بوون.
جەواد دروستکار بەرپرسی پۆلیسى ئیسفەهان رایگەیاند، لە بەریەککەوتنى ئۆتۆمبێلێکى نەوت هەڵگر و پاسێکدا ٢١ کەس گیانیان لەدەستدا و ٢٦ کەسى تریش بریندار بوون.
راشیگەیاند، نەوت هەڵگرەکە لە رێگەى تاران – کرمان و لە نزیک شارۆچکەى نەتەنەز خۆى کێشاوە بۆ پاسێکدا و ئاگری تێبەربووە و ئەوەش بووەتە هۆی سوتانی ٢١ کەس لە سەر نشینەکانى پاسەکە و برینداربوونی ٢١ کەسی تر ناو پاسەکە.
ئاماژە بەوەشکراوە، باری تەندروستیى چەند کەس لە بریندارەکانى ئەو رووداوە ناجێگیرە.
نزیکەى ٢ مانگ لەوە پێش رووداوێکى هاوشێوە لە شار سنەی رۆژهەڵاتى کوردستان روویدا و بەو هۆیەوە ١٣ سەرنشینى ناو پاسێک سوتان و گیانیان لە دەستدا.
ساڵانە لە ئێران بەهۆی رووداوەکانى هاتووچۆوە نزیکەى ٢٥ هەزار کەس گیانیان لەدەستدەدەن و هۆکارەکەشی بۆ کۆنیى ئۆتۆمبێلەکان و خراپیى رێگاوبانەکان و خێرایى دەگەڕێتەوە.
هەروەها ساڵانە لە رۆژهەڵاتى کوردستان نزیکەى ٥ هەزار کەس بەهۆی رووداوى هاتووچۆوە گیان لەدەست دەدەن. ئێستاش بەهۆی هاتوچۆی ئۆتۆمبێلە نەوت هەڵگرەکانی هەرێمی فیدراڵی کوردستانەوە چەندین کارەسات لە ناوچەکانى رۆژهەڵاتى کوردستان روویانداوە.
ر.م