ئەندامانی پلاتفۆرمی کوردانی ئەنادۆڵی ناوین (PKAN) لە شاری ستۆکهۆڵمی وڵاتی سوید، پۆستەری هەدەپەیان بۆ بانگەشەی  هەڵبژاردنەکان بەرزکردەوە و مێزی زانیاریان دانا. هاوکات برۆشوور و بڵاوکراوەی هەدەپە، کە تایبەت بوون بە هەڵبژاردنەکان بەسەر ڕێبواراندا دابەش دەکرد.

لەو چالاکییەدا کوردستانیان و دۆستانیان لەگەڵ یەکتر کۆبوونەوە. هونەرمەندی کورد گیورسەل دایان بە گۆرانی و مۆسیقا خەڵکی زیاتری لە دەوری چالاکییەکەیان کۆکردەوە و پاشان ئامادەبوان دەستیان بە ئاهەنگ و گۆڤەند کرد.

ئیحسان بایساڵی لەسەر ناوی ئەو پلاتفۆرمە، وتارێکی پێشکەش کرد و بانگی لە دەنگدەران کرد، ئەمڕۆ و سبەینێ، ١٦ و ١٧ ی حوزەیران، بەشداری لە هەڵبژاردنەکاندا بکەن و دەنگی خۆیان بدەن بە دەمیرتاش و هەدەپە.

ر.م