لە سویسرا چالاکیى پشتیوانى بۆ شرنەخ بەڕێوەچوو
مانگى سوورى کوردستان لە شارى بێرنى پایتەختى سویسرا چالاکییەکى بۆ پشتیوانیکردن و هاوکاریکردنى هاووڵاتیانى شرنەخ بەڕێوەبرد.
مانگى سوورى کوردستان لە شارى بێرنى پایتەختى سویسرا چالاکییەکى بۆ پشتیوانیکردن و هاوکاریکردنى هاووڵاتیانى شرنەخ بەڕێوەبرد.
شرنەخ لە ساڵى ٢٠١٥دا کەوتە بەر هێرشى هەمەلایەنەى دەوڵەتى تورکیا و خاپوورکرابوو. مانگى سوورى کوردستان لە چوارچێوەى پرۆژەى "١٥٠٠ خانوو بۆ ١٥٠٠ خێزان" دەستیکرد بە ئەنجامدانى چالاکییەک.
کوردستانیان و سویسرییەکان بەشدارى چالاکییەکە بوون. لە چالاکییەکەدا پرۆژەکەى مانگى سوورى کوردستان ناسێنرا. کۆمەڵکوژیى دەوڵەتى تورکیاش بەرامبەر شرنەخ و زیانى هاووڵاتیان و خاپوورکردنى خانووەکان و شارەکە بە داتاشۆ، نمایش کرا.
لە چالاکییەکەدا ئەو وێنە و تابلۆیانەى ژنان لە زیندانەکانى تورکیادا بۆ پشتیوانیکردن لە شرنەخ دروستیان کردبوون لە چوارچێوەى پێشانگەیەدا خرایە بەر دیدەى ئامادەبوان. چالاکییەکە بە ئاهەنگ و گۆرانیى کۆتایى پێهات.
