لە مارسیلیا هێرشەکانى دەوڵەتى تورک ئیدانە کران
لە شاری مارسیلیای فەرەنسا هێرشە داگیرکەرییەکانى دەوڵەتى تورک بۆ سەر باشووری کوردستان ئیدانە کرا.
لە شاری مارسیلیای فەرەنسا هێرشە داگیرکەرییەکانى دەوڵەتى تورک بۆ سەر باشووری کوردستان ئیدانە کرا.
چالاکوانانی بزووتنەوەى گەنجانى شۆڕشگێڕ و کوردستانی بە ئەنجامدانى چالاکییەک هێرشە پاکتاوکاری و داگیرکەرییەکانى دەوڵەتى تورک-یان بۆ سەر باشووری کوردستان ئیدانە کرد.
هەروەها لە چالاکییەکەدا داواى ئازادیى عەبدوڵا ئۆجالان رێبەری گەلی کورد کرا و پۆستەرێکى گەورەى ئۆجالانیش بەرزکرابوویەوە.
لە چالاکییەکەدا پۆستەرێک کە لەسەری نووسرابوو "بکوژ ئەردۆغان" بەرز کرابووە و دروشمەکانى "بکوژ ئەردۆغان" و "بژی سەرۆک ئاپۆ" دەوترانەوە.
دواى رێپێوانەکە بە ناو شەقامەکانى مارسیلیادا، میتینگێک رێکخرا.
دواى خولەکێک رێزگرتن چالاکوانانى بزووتنەوەى گەنجانى شۆڕشگێڕ وتەیان پێشکەشکرد و وتیان، تاوەکو تێکشکاندنی هێرشە داگیرکەرییەکان و هەڵوەشاندنەوەى فاشیزم بەردەوام دەبن لە چالاکییەکانیان.
ر.م