چالاکییەکە لەلایەن فیدراسیۆنى کرێکارانى کۆچبەر لە ئەڵمانیا (ئاگیف - AGÎF)، رێکخستنى گەنجانی (گەنجانی تێکۆشەر - Young Struggle)، یەکێتیى ژنانى سۆسیالیست (SKB)ەوە رێکخرا. لە چالاکییەکەدا بە ناوی ناوەندی کۆمەڵگەى دیموکراتیکى کورد وتە پێشکەش کرا.

لە چالاکییەکەدا راگەیاندراوی ئاگیف خوێندرایەوە. هەروەها بە ناوی رێکخستنی گەنجانى تێکۆشەر و ژنانى سۆسیالیستەوە بە زمانى ئەڵمانیا وتە پێشکەش کران.

لە چالاکییەکەدا داواى ئازادیى ئۆجالان دووبارە کرایەوە، کە لە ئێستادا لە هەلومەرجێکى قورس دا ژیان بەسەر دەبات و گۆشەگیرییەکى قورسی بەسەردا سەپێنراوە.

چالاکییەکە، کە بە بەشداریى نزیکەى ١٠٠ کەس بەرێوەچوو، پۆستەر و وێنەکانى ئۆجالانی تیادا بەرزکرایەوە و چەندین دروشم بۆ پشتیوانى لە ئۆجالان و ئازادیى ئۆجالان وترانەوە.

ر.م