لە هامبورگی ئەڵمانیا یادی گەریلا یاكوب ریمەر دەکرێتەوە

یاكوب ریمەر (شیار گابار) گەریلاى هەپەگە و خەڵکى ئەڵمانیا چەند مانگ لەوە پێش شەهید بوو. رۆژی ٣ی شوبات لە شاری هامبورگی ئەڵمانیا بە ئەنجامدانى ٢ چالاکى یادی ئەو گەریلا ئەڵمانییەى هەپەگە بەرز رادەگیرێت.

ناوەندی راگەیاندن و چاپەمەنیى هەپەگە پێشتر لە راگەیاندراوێکدا بڵاویکردبووە، گەریلای ئەڵمانی یاكوب ریمەر (شیار گابار) لە ٩ی تەمووزی ٢٠١٨ / ١٨ی پووشپەڕ لە ناوچەى چارچێلای گەڤەری جۆلەمێرگ لە شەڕ لە دژی سوپاى تورکدا شەهید بووە.

ریمەر ساڵی ١٩٩٤ لە شاری هامبورگی ئەڵمانیا لە دایکبوو بوو. ساڵی ٢٠١٣ رووی لە کوردستان کرد و بەشداریی ریزەکانى گەریلا بوو. لە شارەکەیدا چالاکیى یادکردنەوەى بەڕێوەدەچن. رۆژی ٣ی شوباتی بۆ بەرزراگرتنى یادی ریمەر رێپێوانێک ئەنجام دەدرێت.

چالاکیى دوەمیش لە دواى رێپێوانەکە و لە کاتژمێر ١٤:٠٠ دا بەڕێوەدەچێت و چاوەڕێ دەکرێت بنەماڵە و هەڤاڵەکانى ریمەر و وڵاتپارێزان بەشداری لە  چالاکییەکەدا دەکەن.

 

ر.م