لەشارى ڤییەناى پایتەختى نەمسا گۆشەگیریى قورسی سەر عەبدوڵا ئۆجالان رێبەرى گەلی کورد ئیدانە کرا.

بە پێشەنگایەتیى ناوەندی کۆمەڵگەى دیموکراتیکى کورد لە ڤییەنا و لە بەرامبەر مۆنۆمێنتى مافەکانى مرۆڤ لەو شارەدا، لە کاتژمێر ١٥:٠٠ چادرێک هەڵدرا. وێنەکانى عەبدوڵا ئۆجالان رێبەرى گەلی کورد و ئاڵاکانى پەکەکە و کەجەکە و یەپەگە بە چادرەکەدا هەڵواسران و ستاند بۆ پێدانى زانیارى بە هاووڵاتییان دانرا.

لەبارەى گۆشەگیریى قورس لەسەر ئۆجالان راگەیاندراو بە زمانەکانى ئینگلیزى و ئەڵمانى بڵاوکرانەوە. چالاکییەکە تاوەکو رۆژی شەممە بەردەوامیى دەبێت و هەموو رۆژێک لە کاتژمێر ١٥:٠٠ تاوەکو ١٨:٠٠ چادرەکە هەڵدەدرێت.

مارسیلیا

کوردستانیان بۆ سەرنجڕاکێشانە سەر گۆشەگیریى قورسی سەر عەبدوڵا ئۆجالان رێبەرى گەلی کورد لە شارى مارسیلیاى فەرەنسا چالاکییەکیان ئەنجامدا. چالاکییەکە لە گۆڕەپانی ڤیوپۆرت لە کاتژمێر ١٦:٠٠ دا دەستیپێکرد و چالاکییەکە بۆ ماوەى ٣ رۆژ بەردەوام دەبێت.

لە چالاکییەکەدا وێنەکانى عەبدوڵا ئۆجالان بەرزکرانەوە و پۆستەری "ئازادى بۆ ئۆجالان و پێگەش بۆ کوردستان" هەڵدرا و چەندین راگەیاندراو لەبارەی گۆشەگیریى قورسی سەر ئۆجالان بەسەر هاووڵاتییاندا بلاوکرایەوە.

چالاکییەکە بۆ ماوەى ٣ رۆژ بەردەوام دەبێت و کوردستانیان و دۆستەکانیان هەموو ئێوارە و شەوێک لە شوێنى چالاکییە کۆدەبنەوە و داواشیان لە هەموو وڵاتپارێزان و دۆستانى کورد کرد بەشداری لە چالاکییەکەدا بکەن.

ر.م