لە ڤیەننا لەدژی داگیرکەری دەوڵەتی تورک ڕێپێوانێکی فراوان ئەنجامدرا
لە ڤیەننای پایتەختی نەمسا بە هەزاران کەس لەدژی هێرشە داگیرکەریەکانی دەوڵەتی تورک رێپێوانێکیان ساز کرد.
لە ڤیەننای پایتەختی نەمسا بە هەزاران کەس لەدژی هێرشە داگیرکەریەکانی دەوڵەتی تورک رێپێوانێکیان ساز کرد.
لەدژی هێرشە داگیرکەریەکانی دەوڵەتی تورک بەرامبەر باکوور و ڕۆژئاوای سوریا بە هەزاران کەس لە ڤیەننا کۆبوونەوە.
نوێنەری پارتە سیاسیەکان و ڕێکخراوەکانی مەدەنی نەمساش بەشداریان لە چالاکیەکەدا کرد. لە ڕاگەیەنراوەکاندا باس لەوەکرا دەوڵەتی تورک دەیەوێت پاکتاوی نەژادی و کۆمەڵکوژی ئەنجام بدات.
داوا لە حکومەتی نەما کرا چاو بە پەیوەندیەکانی لەگەڵ تورکیا بکێشێتەوە.
هەروەها ڕایانگەیاند، پێویستە بازرگانی چەک لەگەڵ تورکیا ڕابیگرێت و چەک بە تورکیا نەفرۆشریت.
دواتر چالاکوانان بە دروشمی 'بکوژ ئەردۆغان' و 'ژن ژیان ئازادی' دەستیان بە رێپێوان کرد.
لە ڕێپێوانەکەدا وێنەی ئەو کەسانە بەرز کرایەوە کە لە لایەن دەوڵەتی تورکەوە شەهید کراون و هێرشەکانی داگیرکەری شەرمەزار کران.
ف.ق