چالاکوانانى رێپێوانى درێژمەودای دژ بە گۆشەگیری، کە لە ٢٠ی ئایارەوە لە شاری میلانۆ دەستیان پێکردبوو و ٢٦ی ئایار کۆتایهات، لە زانکۆی بۆلۆنیای ئیتالیا لەبارەى گۆشەگیری و قۆناغی بەرخودانى مانگرتووە کۆبوونەوەیەکیان رێکخست.
خوێندکاران و دەیان کەس لە چالاکوانان بەشدارییان لەو سیمینارەدا کرد و سەرنج خرایە سەر قۆناغی بەرخودانی مانگرتن لە خواردن و رۆژووی مردن، تێکشکاندنی گۆشەگیری و گرنگیى دەنگ و رۆڵی عەبدوڵا ئۆجالان رێبەری گەلی کورد.
لە سیمینارەکەدا شیکاری و لێکدانەوە بۆ پێشهات و بەرەوپێشچوونە سیاسییەکانى کوردستان کرا و بۆ ریسواکردنى سیاستى پاکتاوکاری و سڕینەوەى دەوڵەتى تورک لە گۆڕەپانی سیاسەتى نێونەتەوەیدا، بانگ بۆ بایکۆتی سیاسەت و کاڵاى تورکی کرا.
ر.م
