یەکێک لەو زیندانیانەی کە لە دژی گۆشەگیریی سەر رێبەری گەلی کورد عەبدوڵا ئۆجالان مانی گرتووە، گوڵو داشچی تەمەن ٢٥ ساڵە، کە ئێستا خوێن دەڕشێتەوە.

داشچی لە ٢٠ی شوبات/ ڕیبەندانی ئەمساڵەوە لە گرتووخانەی پیتی A ی مێردین لە چالاکی مانگرتن دایە.

داشچی بە تۆمەتی جیاوازەوە سزای ١٢ ساڵ زیندانیکردنی بۆ بڕاوەتەوە، ئێستاکە دوو ساڵ و نیوە زیندانییە، لەیلا داشچی دایکیشی کە تەمەنی ٦٠ ساڵە، رۆژی ١٥ی ئایار/٢٥ی بانەمەڕ، لەگەڵ کچەکەی قسەی کردووە و ئاشکرای کرد، دۆخی تەندروستیی کچەکەی قورسە، داشچی وتیشی، کچەکەی کە لەگەڵ ١٤ هەڤاڵی دیکەی لە چالاکی مانگرتن دان، رۆژی دووشەمەی ڕابردوو ١٣ی ئایار/٣ی بانەمەڕ، چوار جار خوێن رشاوەتەوە.

لەیلا داشچی راشیگەیاند، تا کۆتایی بە گۆشەگیریی دێت لە چالاکی بەردەوام دەبن.