لێپرسینه‌وه بۆ هه‌ڵگرتنی پارێزبه‌ندی په‌رله‌مانی له‌سه‌ر ٢١ په‌رله‌مانتاری توركیا كه له‌ناویاندا په‌روین بووڵدانی هاوسه‌رۆكی گشتیی پارتیی دیموكراتی گه‌لان (هه‌ده‌په) هه‌یه، ده‌ستی پێكرد.
٤٣ سكاڵا تۆمار كراون بۆ هه‌ڵگرتنی پارێزبه‌ندیی په‌رله‌مانی له‌سه‌ر په‌روین بووڵدان هاوسه‌رۆكی گشتیی هه‌ده‌په و سه‌رۆكی گشتیی جه‌هه‌په (پارتی گه‌لی كۆماری) كه‌مال كلچدار ئۆغلوو و ١٩ په‌رله‌مانتاری دیكه‌ی توركیا. ٣٠ له‌و سكاڵایانه ده‌رباره‌ی ١٢ په‌رله‌مانتاری هه‌ده‌په‌ن.
ئه‌و په‌رله‌مانتارانه‌ی هه‌ده‌په كه داوا ده‌كرێت پارێزبه‌ندیی په‌رله‌مانییان له‌سه‌ر هه‌ڵبگیرێت بریتین له: په‌روین بووڵدان، فه‌له‌كناس ئووجا، ئایشه ئاجار باشاران، دیلان دیرایه‌ت تاشده‌میر، فیلیز كه‌ره‌سته‌جی ئۆغلوو، نیعمه‌توڵا ئه‌ردۆغمووش، به‌دیعه ئۆزگۆكچه، به‌ردان ئۆزتورك، ئایهان بیلگه‌ن، ئیمام تاشچیئه‌ر، گارۆ پایلان و مه‌حموود تۆگروول.
s.m
