٢ ژنی گه‌نج به‌مه‌به‌ستی سه‌رنج ڕاكێشانه سه‌ر چالاكییه‌كانی مانگرتن له خواردن و ڕۆژووی مردن له مه‌یدانی كالكه‌دۆن-ی ناوچه‌ی كادیكۆی ئیسته‌نبووڵ چالاكییان كرد. دواتر هه‌ردووكیان ده‌ستگیركران.
له مه‌یدانی كالكه‌دۆن-ی ناوچه‌ی كادیكۆی ئیسته‌نبووڵ ٢ ژنی گه‌نج بۆ سه‌رنجڕاكێشانه سه‌ر مانگرتنه‌كان له خواردن كه به پێشه‌نگایه‌تیی له‌یلا گیوڤه‌ن دژبه گۆشه‌گیریی سه‌ر ڕێبه‌ری گه‌لی كورد عه‌بدوڵا ئۆجالان به‌ڕێوه‌ده‌چن، چالاكییه‌كیان ئه‌نجام دا.
له چالاكییه‌كه‌دا ئاماژه‌یان بۆ ئه‌وه كرد، ماوه‌ی ١٨٠ ڕۆژه په‌رله‌مانتارێك دژبه گۆشه‌گیری له مانگرتنی بێسنووردایه. گوتیشیان، له‌یلا گیوڤه‌ن به‌های ئێمه‌یه، داواكارییه‌كانی ئه‌و داواكاریی ئێمه‌شن.
هه‌ردوو چالاكه‌كه له لایه‌ن هێزه‌كانی پۆلیسی تورك ده‌ستگیر كران.
s.m
