پارێزه‌ران جارێكی دیكه‌ داوای دیداری ئۆجالانیان كرد

پارێزه‌رانی ڕێبه‌ری گه‌لی كورد عه‌بدوڵا ئۆجالان به‌مه‌به‌ستی چاوپێكه‌وتن له‌گه‌ڵ ئۆجالان داواكارییه‌كی دیكه‌یان پێشكه‌ش كرد.

پارێزه‌ران ئیبراهیم بیلمه‌ز، ڕازیه‌ تورگوت، سه‌ربای كۆكلو و ڕێزان ساریجه‌ بۆ وه‌رگرتنی مۆڵه‌تی سه‌ردانی ئیمڕاڵی داواكارییه‌كی تازه‌یان پێشكه‌شی سه‌رۆكایه‌تیی داواكاری گشتیی شاری بوورسا كرد.

ڕێزان ساریجه‌ و نه‌ورۆز ئوویسال پارێزه‌رانی ئۆجالان دوای ٨ ساڵ، له‌ ٢ و ٢٢ی ئایار، ١٢ و ١٨ی حوزه‌یران له‌ ئیمڕاڵی چاوپێكه‌وتنیان له‌گه‌ڵ ئۆجالان ئه‌نجام دا. له‌ ١٨ی حوزه‌یرانه‌وه‌، سه‌ره‌ڕای چه‌ندین داواكاریی پارێزه‌ران بۆ سه‌ردانی ئیمڕاڵی، تا ئێستا ڕێگه‌ به‌ ئه‌نجامدانی چاوپێكه‌وتن له‌ ئیمڕاڵی نه‌دراوه‌.

s.m