کەمپەینی ئازادی بۆ زەینەب جەلالیان ڕایگەیاند، ئۆیهانا ئێچێباڕیێتا و مێرچێ ئایزپوروا هەردوو پەرلەمانتاری پەرلەمانی باسک لە ئیسپانیا پشتیوانی خۆیان بۆ کەمپەینی ئازادی بۆ زەینەب جەلالیان دەربڕی و کەمپەینەکەیان واژۆ کرد.

ئەو دوو پەرلەمانتارە هەروەها گەڵاڵە پرسیارێکیان سەبارەت بە هەڵویستی ئیسپانیا لە سەر بارودۆخی زەینەب جەلالیان و زیندانیانی سیاسی لە ئێران پێشکەشی پارلمانی ئیسپانیا کرد.

شایەنی باسە کە زەینەب جەلالیان لە ڕۆژی ٢٠ی ئەم مانگەوە دەستی بە مانگرتن لە خواردن لە زیندانی قەرچەکی وەرامین کردووە و بە هۆی توشبوونی بە ڤایرۆسی کۆرۆنا گیانی لە مەترسیدایە.

لە ئێستادا سێ زیندانی سیاسی کورد زەینەب جەلالیان، سوهەیلا حیجاب و سەکینە پەروانە دەستیان بە مانگرتن لەخواردن کردووە.

ف.ق