دوای ئەوەی چالاکی مانگرتن لە گرتووخانەکان کۆتاییهات، زۆربوونی پێشێلکردنی مافەکانی مرۆڤ لەمەڕ چارەسەرکردنی زیندانییەکان کەوتە رۆژەڤەوە. چەندین زیندانی دۆخی تەندروستییان قورس بوو و درەنگ بردنیانن بۆ نەخۆشخانە، هەندێکیان لەبەرئەوەی پشکنینیان بە کەلەپچەوە قبوڵ نەکردبوو بەبێ چارەسەرکردن گەڕێندرانەوە گرتووخانەکان. بەڕێوەبەری کۆمەڵەی مافەکانی مرۆڤ (ئیهەدە - ÎHD) نورای چەڤیرمەن پێشێلکردنی مافەکانی مرۆڤی بەرامبەر بە زیندانییە مانگرتووەکان هەڵسەنگاند.
چەڤیرمەن باسی لەوە کرد، هەزاران زیندانی دەستیان بە چالاکیی مانگرتن کرد و دوای ئەوە چالاکی کۆتاییهات نەخۆشخانەکا و گرتووخانەکان بە دیدی چاکسازییانە لەو بابەتەیان نەڕوانی.
چەڤیرمەن راشیگەیاند، چەندین زیندانی بە کەلەپچەکراوییەوە برانە نەخۆشخانە و وتی، دۆخی تەندروستیی ئەو زیندانییانەی کە ماوەیەکی درێژ لە چالاکی مانگرتندا بوون باش نییە.
چەڤیژمەن وتی، گەڕاندنەوەی چالاکوانان بۆ گرتووخانەکان بەبێ چارەسەرکردن ڕێگەخۆشکەرە بۆ گرفتی گەورە و وتیشی: "ئێمە وەکو کۆمەڵەی مافەکانی مرۆڤ (ئیهەدە - ÎHD) لە سەرەتای دەستپێکردنی چالاکی مانگرتنەکانەوە لەسەر پێشێلکردنی مافەکانی مرۆڤ و چاودێرییەکانمان راپۆرتەکانی خۆمان ئاشکرا کرد.
دوای کۆتاییهاتن بە چالاکییەکانی مانگرتن ئێمە دیسانەوە بۆ چەسپاندنی مافی مرۆڤ کاردەکەین. بۆ جێبەجێکردنی مافی چارەسەرکردن یەکێتیی پزیشکانی تورک (تەتەبە - (TTB کار دەکات و ئێمەی لەناو لێژنەدا پێکەوە کار دەکەین. مێزێکی قەیرانمان دروست کردووە، کە مافناسان، کارمەندانی تەندروستی و پارێزەرانی مافی مرۆڤ تێیدا بەشدارن. لە ڕێگەی ئەوەوە دەستێوەردانی پێویست دەکەین".
ر.م