کوردستانیان و لایەنگرانیان بۆ شەرمەزارکردنی هێرشەکانی دەوڵەتی تورک بۆ سەر باکوور و رۆژهەڵاتی سوریا هەموو شەوێک لە شەقامەکانن و داگیرکاریەکە شەرمەزار دەکەن.

لە چالاکیەدا ئایشە گوکتەپە بە ناوی ئەنجومەنی ژنانی ئامارا قسەی کرد و باسی لە تاوانەکانی شەڕی دەوڵەتی تورکی داگیرکەر کرد کە لە رۆژئاوای کوردستان ئەنجامی دەدات و تاوانەکانی شەرمەزار کرد.

هەروها لە چالاکیەکەدا بانگ لە نەتەوە یەکگرتووەکان و یەکێتی ئەورۆپا  کرا کە لە دژی گەلی کورد چەکی کیمیایی بەکار دەهێنرێت و داوایان لێ کرا کە فشارەکانیان بۆسەر دەوڵەتی تورک زیاد بکەن.

گەنجانی چیلیش لە چالاکیەکەدا پشتیوانی خۆیان بۆ گەلی رۆژئاوای کوردستان نیشاندا و پەیامی خۆیان بۆ پشتیوانی لە گەلی ستەملێکراوی کورد لە رۆژئاوای کوردستان دووپات کردەوە.

چارلیس کاپۆس ڤێگاسی چیلی لە چالاکیەکەدا پەیامێکی بڵا کردەوە و ڕایگەیاند کە دوژمنی هاوبەشی گەلان فاشیست و دیکتاتۆرن و وتی: بۆ دواڕۆژێکی گەشی گەلان بە گشتی، ئێمەش لەگەڵ گەلی کورد خەباتێکی هاوبەش دەکەین.

بەشداربوویەکی تری چالاکیەکە بە ناوی جۆرج کانتریرەسی خەڵکی چیلی لە وەڵامی پرسیارێکی ئاژانسی هەواڵی فورت وتی: بە دەیان ساڵە ئێمە پشتیوانی گەلی کورد دەکەین بۆ ئەوەی بگەن بە مافەکانیان و دەوڵەتی خۆیان دامەزرێنن. ئێمە لە دژی هێرشەکانی دەوڵەتی تورکین بۆ سەر گەلی کورد و پشتیوانیان لێ دەکەن.

بەشداربوویەکی تری چالاکیەکەش ئاماژەی بەوە کرد کە ئەوان خەباتی گەلی کورد وەک خەباتی خۆیان دەبینین و وتی: ئێمە و ئەوانیش بۆ ژیانێکی هاوبەش و سۆسیالیست خەبات دەکەین. بۆیە دەبێت بە یەکەوە خەبات بگێرین.

ف.ق