ڕێگه به خانه‌واده‌ی زیندانییان نه‌درا سه‌ردانی ئیمڕاڵی بكه‌ن
داواكاریی خانه‌واده‌ی زیندانییانی ئیمڕاڵی بۆ چاوپێكه‌وتن له‌گه‌ڵ زیندانییان ڕه‌ت كرایه‌وه.
محه‌مه‌د ئۆجالان برای ڕێبه‌ری گه‌لی كورد عه‌بدوڵا ئۆجالان و مه‌زڵووم دینچ وه‌سیی ئۆجالان به‌مه‌به‌ستی چاوپێكه‌وتن له‌گه‌ڵ ئۆجالان له ڕێی پارێزه‌رانه‌وه داواكارییه‌كی تازه‌یان پێشكه‌شی سه‌رۆكایه‌تیی داواكاری گشتیی شاری بوورسا كرد.
هاوكات خانه‌واده‌ی زیندانییانی دیكه‌ی ئیمڕاڵی هامیلی یڵدرم، عومه‌ر خه‌یری كۆنار و وه‌یسی ئاكتاش بۆ هه‌مان مه‌به‌ست داواكارییان پێشكه‌ش كرد.
داواكاری گشتیی بوورسا به بیانووی «ئاسته‌نگكردنی مافی سزادراوان» داواكاری خانه‌واده‌كانی ڕه‌ت كرده‌وه و مۆڵه‌تی سه‌ردانی ئیمڕاڵی پێ نه‌دان.
s.m
