کەندال سورچ (مەحمەد کایا)  بەشداری لە شەڕی گەریلا لە هەفتانین کرد، تا کۆتایی بە شێوەیەکی بەهێز تێکۆشانی کرد و لە ٢٥ی ئابی ٢٠١٩ شەهید بوو. هاوڕێکەی فورات ڤارتۆ باس لە فیداکاریەکەی دەکات.

فورات ڤارتۆ دەڵێت، "لە ساڵی ٢٠١٦ کەندال سوروچم ناسی، ساڵێک بەیەکەوە کارمان کرد. هەڤاڵێکی گەنج بوو، ئێنێرژی و چالاکبوونی گەنجێتی پێوە دیاربوو. مۆڕالی دەدا بە هەڤاڵەکان. بۆ ئەو قوڕسی کارەکە گرنگ نەبوو، گرنگ ئەوەبوو لەم تێکۆشانەدا ڕەنج و خەباتی دیار بێت. کەسێکی ڕاستگۆ بوو. هیچ شتێکی نەدەشاردەوە. هەموو شتێکی لەگەڵ هەڤاڵان باس دەکرد. هەموو کەسێک متمانەی پێهەبوو.

کەندال سوروچ هەموو کاتێک بۆ خوڵقاندن و کارکردن هەوڵیدەدا. لەگەڵ ئەوەی گەنج بوو و پێشتر لە دۆخێکی قوڕس دا نەژیابوو، لە ماوەیەکی کەمدا فێری ژیانی گەریلا بوو. باش تێگەیشت بە کار و ڕەنجێکی زۆر هەموو شتێک لەناو گەریلادا دەخوڵقێنرێت. ژیانی خەباتی بۆ خۆی کرد بە بناغە. بێوەستان بە پراکتیکی کاری دەکرد.

کەندال سوروچ ڕەخنەکردن و خۆڕەخنەکردنی وەک (خۆپاککردن لە ژەهر) پێناسە دەکرد. لەو پرسەدا زۆر هەستیار بوو. هەموو کاتێک دەیوت، 'هەرچەند کار بکەین بەرامبەر حەقیقەتی شەهیدەکان و پارتی کەمە. پێویستە بە شێوەیەکی ڕاستەقینە بەشداری لە خەبات بکەین و شایەنی ئەم خەباتە بین."

کەندال سوروچ بێ وەستان و بێگۆمان لەدژی هێرشی داگیرکەری دەوڵەتی تورک بەرخۆدانی کرد. وەک چۆن ژیا، سوور بوو لەسەر فیداکاری. لە کاتی هێرشی دوژمندا بە شێوەیەکی بەهێز شەڕی کرد و خاوەن ڕۆلێکی گەورە بوو. لە ئۆپەراسیۆندا کە "پەنچەی" پێدەوترێت. هێزی گەریلای لە چالاکیەکەدا پیشاندا. تا ٢٥ی ئابی ٢٠١٩ کە شەهید بوو، ئێمەی فێرکرد کە چۆن مڕۆڤ بەرخۆدان دەکات.

ف.ق