گوشاری سەر پەیامنێران بەردەوامیى هەیە

دەستپێشخەریى پەیامنێرانى ئازاد (OGÎ) رایگەیاند، لە مانگی تشرینى دووەم دا ٩ پەیامنێر دەستگیرکران و سزای زیندانیکردن بەسەر دوانیاندا سەپێنرا. دۆسیەى لێکۆلینەوەش لە دژی ٢ پەیامنێری تر کرایەوە و ٩ پەیامنێریش سزا دارایى دران.

دەستپێشخەریى پەیامنێرانى ئازاد (OGÎ) راپۆرتی مانگی تشرینى دووەمی ٢٠١٨ی لەبارەى پێشێلکارییەکان لە دژی پەیامنێران بڵاوکردەوە.

لە راپۆرتەکەدا هاتووە، گوشار و ملهوڕی، سانسۆر و رێگری لە دژی پەیامنێران بەردەوامیى هەیە و چەندین پەیامنێر دەستگیر و زیندانیکران.

لە راپۆرتەکەدا ئەوەش هاتووە، بەهۆی سکاڵاکان لە دژی پەیامنێران رێڕەوەکانى دادگا دیسانەوە بە بێ پەیامنێران نەبوو و چەندین پەیامنێر بۆ سزادان و لێپێچینەوە برانە دادگاکان.

ئەوەش خراوەتەڕوو "پەیامنێران ئەرکیان ئەوەیە هەواڵ وەربگرن و بیگوێزنەوە و بڵاوى بکەنەوە، بەڵام لە مانگی تشرینى دووەم دا چەندین پەیامنیر لەسەر کار و پیشەکەیان دەستگیر و دادگایى کران. زۆربوونى سکاڵاکان و کردنەوەى دۆسیە لە دژی پەیامنێران بەردەوامیى هەیە. لێپرسینەوە لە پەیامنێران لێپرسینەوە و رێگرییە لە ئازادیى میدیا و رادەربڕین لەم وڵاتەدا".

لە راپۆرتەکەدا ئاماژە بەوەشکراوە، لە تورکیا ١٧٣ پەیامنێر زیندانیکراون، سەرباری ئەوەش لە مانگی تشرینى دووەمی ٢٠١٨دا ٩ پەیامنێرى تر دەستگیرکران. سزای زیندانیکردن بەسەر ٢ پەیامنێریاندا سەپێنرا. ١٠ پەیامنێری تر دادگایى کران. لەو ١٠ پەیامنێرە دۆسیە لە دژی ٢ پەیامنێریان کرایەوە. هەروەها سزای دارایى بەسەر ٩ پەیامنێر دا سەپێنرا و هەڵیشکوترایە سەر نووسینگەى گۆڤارێک".

ر.م