گۆشەگیریى سەر عەبدوڵا ئۆجالان رێبەری گەلی کورد لە ئەوروپا بە ئەنجامدانى چالاکییەک ئیدانە کرا.

لە شاری تۆرینى ئیتالیا بۆ پشتیوانیکردن لە لەیلا گیوڤەن هاوسەرۆکى کۆنگرەى کۆمەڵگەى دیموکراتیک (کەجەدە) و پەرلەمانتاری هەدەپەى جۆلەمێرگ و بۆ ئیدانەکردنى گۆشەگیریى سەر ئۆجالان چالاکییەک ئەنجامدرا.

چالاکوانان و هاووڵاتییانى ئیتالیاش بەشدارییان لە چالاکییەکەدا کرد و سەدان راگەیاندراویش بە ناو هاووڵاتییاندا بڵاوکرایەوە.

لە چالاکییەکەدا دروشمەکانى "بژی سەرۆک ئاپۆ" ، "بێ سەرۆک ژیان نابێت" ، بە زمانى ئیتالیش دروشمی " Libero per Ocalan – (لیبیرۆ پیر ئۆجالان) ئازادی بۆ ئۆجالان" وترانەوە.

ر.م