مەرال دونمەزمامۆستای بەندکراو کە ٢٩ ڕۆژە لە بەندیخانەی تارسووسێ مانی لە خواردن گرتووە، لە بەندیخانە ئەشکەنجەدراوە. دایکی مەرال ئاشکرای کرد کە کچەکەی کێشی بۆ ٣٨ کیلو دابەزیوە و بەهۆی ئەشکەنجەوە دەست ولاقی سین و مۆر بووەتەوە.
مامۆستای گیراو مەرال دونمەز کە بە بیانووی سزای ' گوێ نەدان بەیاساوە' لە بەندیخانەی تاراسووس ڕاگیراوە و داواکاری بۆ گواستنەوەی بۆ ئیستانبوول ڕەدکراوەتەوەو بەرپرسانی زیندانی هەڕەشەی ئەوەی لێدەکەن کە دەتگوازینەوە بۆ ژووری تاکەکەسی.
' دەست ولاقی شین ومۆر بووەتەوە'
دایکی دونمەز ، ڕۆژی ٢٩ی ئەیلول پەیوەندی تەلەفۆنیی بە کچەکەیەوە هەبووە، لە لێدوانێکدا بۆ ئاژانسی هەواڵی فورات ئاشکرای دەکات: بەهۆی مانگرتنی لە خواردن دۆخی تەندروستیی ناجێگیرە، لەگەڵ ئەوەشدا ئەشکەنجەی دەدەن، دەست و قاچی شین و مۆر بووەتەوە، هەروەها هەڕەشەی ژووری تاکەکەسی لێدەکەن، داواکاریی کچەکەم بۆ گواستنەوە لە زیندانی تارسوسەوە بۆ ئەستەنبوڵ قبوڵ ناکرێت، بۆیە مانی لە خواردن گرتووە.
ک-ش
