گەنجانى کورد لە مارسیلیا بۆردومانکردنی مەخموریان ئیدانە کرد
لە شاری مارسیلیای فەرەنسا هێرشە داگیرکەرییەکانى دەوڵەتى تورک بۆ سەر باشووری کوردستان و بۆردومانکردنى مەخمور ئیدانە کران.
لە شاری مارسیلیای فەرەنسا هێرشە داگیرکەرییەکانى دەوڵەتى تورک بۆ سەر باشووری کوردستان و بۆردومانکردنى مەخمور ئیدانە کران.
ئەندامانى بزووتنەوەى گەنجانی شۆڕشگێڕ (تەجەشە - TCŞ) بۆ ئیدانەکردنى هێرشە داگیرکەرییەکانى دەوڵەتى تورک بۆ سەر باشووری کوردستان و بۆردومانکردنى کامپی مەخمور، لە شاری مارسیلیای فەرەنسا چالاکییەکیان ئەنجامدا.
چالاکییەکە لە گۆڕەپانى ڤیا پۆرت بەڕێوەچوو و گەنجان لە چالاکییەکەدا وێنەی کۆمەڵکوژییەکانى دەوڵەتى و هێرشەکانى بۆ سەر هاووڵاتییانى مەدەنى بەرز کردبووە.
لە چالاکییەکەدا یادی دیار غەریب ئەندامى دەستەى گشتیى سەرۆکایەتیى کەجەکە بەرز راگیرا، کە رۆژی ٥ی تەمموزی ٢٠١٩ / ١٤ی پووشپەڕ لە هێرشی فڕۆکە جەنگییەکانى دەوڵەتى تورکی داگیرکەردا شەهید بوو.
گەنجان لە چالاکییەکەدا راگەیاندراویان لەبارەى هێرشەکانى دەوڵەتى تورکی داگیرکەرەوە بەسەر چالاکوانان و هاووڵاتییانى سنووری چالاکییەکەدا دابەش کرد.
ر.م