بەپێی زانیارییەکانی ئاژانسی بەڕێوەبردنی کارەساتی نەتەوەیی پاکستان (ئێن دی ئێم ئەی) لە ١٤ی حوزەیرانەوە تاوەکو ئێستا لە پاکستان بەهۆی بارانبارینی زۆرەوە ٧٧٧ کەس گیانیان لەدەستداوە و  ١.٨ ملیۆن کەس بەهۆی بارانبارینی زۆر و لافاوەوە زیانیان بەرکەوتوە.

بارانبارینە زۆرەکە و لافاو زۆربەى وڵاتی پاکستانی گرتوەتەوە، بەڵام زیاتر ناوچە کەناریەکان زیانیان بەرکەتووە و لە ناوچە کەناراوەکان کامپی هاوکاری بۆ لێقەوماوان دامەزراوە و تا ئێستا ٣١٧ هەزار و ٦٧٨ کەسیان تیادا نیشتەجێ کراوە.

بەگوێرەی ئاژانسی بەڕێوەبردنی کارەساتی نەتەوەیی پاکستان، زیاتر لە ٦٠ هەزار ماڵ زیانیان پێگەیشتووە و لە ئەنجامی بارانبارینی زۆر و لافاو لە چەندین شوێن ڕۆچوونی زەوی ڕوویداوە و زیانیش بە بەشێک لە ڕێگاکانی سەرانسەری وڵات گەیشتوە.

ژ.ت