لە عێراق ٤٠٠ کەس بەهۆی خۆڵبارینەوە رەوانەی نەخۆشخانەکران
بەهۆی کاریگەری خۆڵبارینەوە، زیاتر لە ٤٠٠ هاوڵاتی عێراق رەوانەی نەخۆشخانەکان کراون.
سەرەتای مانگی نیسان لە عێراق خۆڵبارین دەستیپێکردووە، کاریگەریەکی زۆری لەسەر بەغدا و باشوری وڵات داناوە.
بەهۆی هەناسە توندیەوە تاوەکو ئێستا لەسەرتاسەری عێراق ٤٠٠ کەس بۆ نەخۆشخانە رەوانەکراون.
لە بەغدا ١٠٠ کەس، نەجەف زیاتر لە ٧٠ کەس، دیالە ٥٠ کەس، ئەنبار ٥٠ کەس و بابل زیاتر لە ١٠٠ کەس و لە دیوانیە، سەماوە و میسانیش بە دەیان کەس رەوانەی نەخۆشانەکراون.
٥ کەس گیانیان لەدەستداوە
بەهۆی خولبارینێکی خەستەوە، گەشتی فرۆکەکان لە بەغدا و نەجەف راگیراون.
هەفتەی رابردوو بەهۆی خۆڵبارینەوە ٥ کەس گیانیان لەدەستدابوو و ٧١٧ کەس بۆ نەخۆشخانە رەوانەکرابوون. لە هەولێریش گەشتەکان راگیراون.
ف.ق
