سكرتێری گشتیی رێکخراوی مافی مرۆڤ لە عێراق ڕایگەیاند، هێرشەكانی توركیا هێرشی جدین و هەڕەشە بۆ سەر عێراق بەگشتی و كوردستان بەتایبەتی، هەروەها پێویستە حكومەت گفتوگۆی جددی لەگەڵ دەزگا نێودەوڵەتییەكان ئەنجامبدات، بۆ كۆتای هێنان بە هێرشەكانی توركیا.
وەلید حیلی، سكرتێری گشتیی رێکخراوی مافی مرۆڤ لە عێراق بە ئاژانسی ڕۆژنیوزی ڕاگەیاند، ئۆپەراسیۆنە داگیركارییەكانی توركیا لە باكوری عێراق مەترسییەكی جدی بۆ سەر عێراق بە گشتی و كوردستان بەتایبەتی دروست دەكات، هەروەها دەبێتە هەڕەشە لەسەر ئاسایشی وڵات.
ئاماژەی بەوەشكرد، پێویستە حكومەتی عێراق گفتوگۆی جددی لەگەڵ دەزگا نێودەوڵەتییەكانی وەك ئەنجوومەنی ئاسایش و دادگای داد و نەتەوە یەكگرتووەكان ئەنجامبدات، بۆ ئەوەی كۆتایی بەو خوێنڕشتنە بهێنێت و كۆتایی بەو توندوتیژییانە بهێنێت كە توركیا ئەنجامی دەدات.
سكرتێری گشتیی رێکخراوی مافی مرۆڤ ئەوەشی خستەڕوو، میللەتی كورد بەشێكی سەرەكی عێراقە و دەبێت لە لایەن بەرپرسانی عێراق و ڕێكخراوەكانی مافی مرۆڤەوە دژی داگیركارییەكانی توركیا بەرگریان لێبكرێت.
جێگای ئاماژەیە، دەوڵەتی داگیركەری تورك بەردەوامە لە هێرش و داگیركەرییەكانی لە خاكی هەرێمی كوردستان و عێراق، بەدرێژایی بەدەیان كیلۆمەتر هاتووەتە ناو خاكی عێراقەوە، هێرش دەكاتە سەر گوندە سنورییەكانی هەرێمی كوردستان و خەڵكی مەدەنی دەكاتە قوربانی.
ف.ق
