دەزگای هەواڵگری و لێكۆڵینەوەی فیدراڵی عێراق لە ڕاگەیەندراوێکدا بڵاویکردەوە، هێزەكانمان بەردەوامن لە ئۆپەراسیۆنە ئەمنییەكان بە مەبەستى دەستگیرکردن و ڕاوەدوونانى تیرۆرستانى داعش لەسەرجەم ناوچەکانى عێراق.

ئاماژە بەوەشكراوە، لەوچوارچێوەشدا هێزەکانمان چەندین ئۆپەراسیۆنییان ئەنجامداوە و لە ئەنجامدا توانراوە ١١ تیرۆرست لە هەریەکە لە پارێزگاکانى کەرکوک، دیالە، موسڵ و بابل دەستگیربکەن.

لەكۆتایشدا ئەوەش خراوەتەڕوو، ئەو تیرۆرستانە بەپێی بڕگەكانی ماددەی ٤ى تیرۆر داواكراون، چونكە سەر بە گروپی تیرۆریستی داعشن.

ف.ق