حەسەن روحانی سەرۆک کۆماری ئێران لە کۆبوونەوەیەکدا لەگەڵ هەر دوو هاوپۆستە تورک و روسەکەی کە بە رێگای ئۆنلاین بەڕێوە چوو، لە بارەی بارودۆخی سوریا رایگەیاند، قەیرانی سوریا بە رێگای سەربازی چارەسەر نابێت.
هەر یەک لە ڤیلادیمێر پۆتین سەرۆک کۆماری روسیا، رەجەب تەیب ئەرۆدغان سەرۆک کۆماری تورکیا و هاوپۆستەکەیان رۆحانی لە چوراچێوەی قۆناغی ئاستانادا لە بارەی بارودۆخی سوریا کۆبوونەوە. کۆبوونەوەکە بە رێگای ڤیدیۆ کۆنفڕانسەوە بەڕێوە چوو.
لە کۆبوونەوەکەدا روحانی وتی:"کۆماری ئیسلامی پێی وایە تاکە رێگای چارەسەرکردنی قەیرانی سوریا، سیاسیە، نەک سەربازی."
رۆحانی لە بەردەوامی قسەکانیدا رایگەیاند، ئەوان هەمیشە لایەنگری دیالۆگین لەگەڵ گەلی سوریا و جەختیشی کردەوە کە ئەوان سوورن لەسەر رووبەرووبوونەوەی گروپە تیرۆرستیەکانی وەکو داعش و ئەقاعیدە.
سەرۆک کۆماری ئێران هاوکات رایگەیاد، ئەوان سوورین لەسەر ئەوەی تێکۆشانی دژی تیرۆر بەردەوام دەبێت تا ئەو کاتەی لە سوریا و سەرتاسەری ناوچەکە کۆتایی پێدێت.
ز.ش
