تەقینەوەیەکی خۆکوژیی لە بەغدا
بەهۆی تەقینەوەیەکی خۆکوژییەوە لە بەغدا، دوو کەس گیانیان لەدەستدا و چوار کەسی دیکە برینداربوون.
ئێوارەی ئەمڕۆ، تەقینەوەیەکی خۆکوژیی لە گۆڕەپانی عەدەن-ی باکوری شاری بەغدای پایتەختی عێراق ڕوویدا.
سه‌رچاوه‌یه‌كی ئه‌منیی به‌غدا بە تەلەفزیۆنی سۆمەرییەنیوز-ی ڕایگه‌یاندووە، کە ته‌قینه‌وه خۆكوژییه‌كه له گۆڕه‌پانی عه‌ده‌ن له باكوری به‌غدا ڕوویداوه و خۆكوژه‌كه خۆی له‌ناو ژماره‌یه‌ك هاوڵاتی خۆی ته‌قاندووه‌ته‌وه.
ئەوەشی خستووەتەڕوو، کە به‌هۆی تەقینەوەکەوە دوو كه‌س كوژراون و چواری دیكه‌ش بریندار بوون.
