لە عێڕاق چەکدارانی حەشدی شەعبی ناشتنی ئەو کەسانەی بە هۆی ڤایرۆسی کۆرۆناوە گیانیان لەدەست داوە گرتووەتە ئەستۆ، ئەمڕۆش لە گۆڕستانی دۆڵی ئاشتی شاری نەجەف ٣٤ تەرم نێژران و وەک خۆیان ئاماژەی پێدەکەن ناشتنی ئەو کەسانە بە شێوازێکی تەندروستی و ئایینی بووە و بێ هیچ کەم کوڕییەک ئەنجام دراوە.

ژمارەی گیان لە دەستدان بە هۆی ڤایرۆسی کۆرۆناوە لە عیڕاق گەیشتە ٦٩ کەس، ئاماری تووشبووانیش گەیشتووەتە هەزار و ٢٣٢ کەس. لایەنە ئەمنیەکان و وەزارەتی تەندروستی بە هەماهەنگی کار دەکەن بۆ لەناوبردنی ڤایرۆسەکە و داوا لە هاوڵاتیان دەکەن پابەندی ڕێنماییەکان بن و لە ماڵەکانیان بمێننەوە.

ف.ق