عەبدولمەهدی لە ڕاگەیەندراوێکدا ئاماژەی بەوەکرد، لەگەڵ ڕاگەیاندنی قەدەغەی هاتووچۆ سەرۆکی لایەنە سیاسیەکان لە کۆشکی سەلان لەکۆبوونەوەدان.

بە پێی ڕاگەیەندراوەکە، بە تەنها کارمەندانی نەخۆشخانە، فەرمانگەی کارەبا و فریاگوزاریەکان مافی هاتووچۆیان هەیە.

هەروەها باس لەوەکراوە کاتژمێر ٥ی سەرلەبەیانی ئەمڕۆ پێنجشەممە ٣ی تشرینی یەکەم، قەدەغەی هاتۆچوو جێبەجێدەکرێت و ئاماژە بە کاتی کۆتاییهاتنی بڕیارەکەش نەکراوە.

لە ڕۆژی سێشەممەوە لە بەغدا، بەسرە، دیوانیە و نەجەف هاوڵاتیان دەستیان بە خۆپیشاندان کردووە و بە پێی ئاماری وەزارەتی تەندروستی عێراق، تا ئێستا پێنج هاوڵاتی لە لایەن هێزە ئەمنیەکانەوە کوژراون و ٢٠٠ کەسیش بریندارکراون.

ف.ق