لەمدواییانەدا لە کەرکوک، خورماتوو، دیالە، خانەقین ، جەلەولا و گەرمیان کە دەکەونە نیوان عێراق  و باشووری کوردستان و بە ناوچە ناکۆکیلەسەرەکان دەزانرێن، جموجوڵی داعش زیادیکردووە.

چەتەکانی داعش لە ماوەی هەفتەیەکدا لە ژمارەیەک ناوچە هێرشیان کردە سەر هێزەکانی عێراق و چەکدارانی حەشدی شەعبی.

چەند ڕۆژ بەرلەئێستا داعش هێرشی کردە سەر هێزەکانی ئاسایشی گوندی کوڵەجۆی ناوچەی کفری گەرمیان. شەوی یەکشەمەش لە خانەقین و جەلەولا هێرش کرایە سەر هێزەکانی حەشدی شەعبی.

لە هەرێمی نەوتخانەی باشووری خانەقین، ٤ چەکداری حەشدی شەعبی کوژران و ژمارەیەکیش برینداربوون. لەهەمان کاتژمێردا لە جەلەولاش هێرشێک ئەنجامدرا.

ف.ق