بە هۆی هێرشەکانی ئەمریکا بۆ سەر بارەگاکانی حەشدی شەعبی و کوشتنی زیاتر لە ٢٥ چەکداری حەشدی شەعبی، میلیشیاکانی حەشدی شەعبی هەوڵیاندا بچنە ناو کونسوڵخانەی ئەمریکا لە بەغداد دوو ڕۆژە پشی کۆنسوڵخانەکەیان گرتوە. لە ئەنجامدا پاسەوانانی کونسوڵخانەکە ڕوبەڕوی ئەو هێزە بونەوە و بە چەکی فرمێسک ڕێژ بەرگریان لە کونسوڵخانەکە کرد.

خۆپیشاندەران ئامادەکاری تەواویان بۆ ئەو چالاکیە کردبو و شەوی یەکەم لە بەردەم کونسوڵخانەکە چادریان هەڵدا و کەرەستەی خواردن و خەوتنیان دامەزراند. لەو نێوەندەدا چەنەها فەرماندەی سوپای عێڕاقی لە هەوڵی کۆنترۆڵ کردنەوەی ڕەوشەکە بوون بەڵام لە ئەنجامدا بێ سود بوو و ئەو گروپانەی لەوێ ئامادە بون سوور بون لەسەر چونە ژورەوەیان بۆ ناو بینای کۆنسوڵخانەکە.

ئێوارەی ئەمڕۆ بۆ پاراستنی گیانی نێردراوە دیبلۆماسیەکان حکومەتی عێڕاق بڕیاری ڕاگرتنی ئەو پەلامارەی دا و لە ئێستاشدا کۆپتەری ئاپاتچی بەسەر کونسوڵخانەی ئەمریکا دەسۆڕێتەوە لە پێناو پاراستنیان. میلیشیاکانی حەشدی شەعبیش لە چەند ڕاگەیەندراوێکدا ئاماژەیان بەوە کردوە کە ڕێز لە بڕیاری حکومەتی عێڕاق دەگرن و بڵاوەیان بەو چالاکیە کردوە.