جە پاوە ٣ هەزارێ و چوار سەد نەمامێ نریێ

جە پاوە هەڵمەتێو پەی سەرسەوزکەردەی دەوروبەرو شاری ئەنجام دریا و جە میانشەنە ٣ هەزارێ و چوار سەد نەمامێ نریێ.

جە پاوەشار جە بەردەوامی گرنگیدای بە ژیوگەی و پارێزنای دارستانەکان، هەڵمەتێو پەی سەرسەوزکەردەی دەوروبەر شاری ئەنجام دریا.
جە هەڵەمەتەکەنە کە ژمارێو هامشاریێ پاوەیی ئامادێش بیێ، ٣ هەزارێ و چوار سەد نەمامێ جۆراوجۆرێ نریێ.
ڕێکوزێ هەڵمەتەکەی داواشان جە پاوەییەکان کەرد، تا زیاتەر گرنگی بە ژیوگەی و دارستانەکانو شارەکەیشان بڎانێ و بەشدارێ سەرسەوزکەدەی شار و هەرێمەکەیشان ببانێ و هامزەمان ئا نەمامێ کە تازە نریێنێ، پارێزناشان.

یاگۍ یادئاواریەن، شارستانو پاوە-ی نزیک بە ٧٥ هەزار هکتارێ جە ڕووبەرەکێش دارستان و سەوزاییەن، بەڵام بە هۆکارێ فرێ چوون، فاڕایای ئاو و هەوای، ئایردای و ئایرکەوتەی، ئەوەبڕییەی درەختی، نەبییەی سیاسەتی ژیوگەپارێزی و گرنگی نەڎای دەسەڵاتی بە ژیوگەپارێزی و دارستانەکان، ساڵانە بەشێ جە دارستان و ڕووبەرە سەرسەوزەکەیش دلێنەمەشۆنە. هەر پەوکەی دارستانێ و ڕووبەرە سەرسەوزەکەو پاوەی هەمیشە پنەوازیش بە پارێزنای زیاتەری و نۊژەنکەردەی هەن.