دیمەنی چالاکیەکەی گردی شەهید شێخ مووس بڵاو کرایەوە

گەریلا تیڤی دیمەنی چالاکیەکەی ٢٥ی ئازاری بڵاو کردەوە کە لە گردی شەهید شێخ موس لە هەفتانین لە لایەن هێزەکانی گەریلاوە ئەنجامدرابوو.

ناوەندی راگەیاندن و چاپەمەنی هێزەکانی پاراستنی گەل-هەپەگە لەم بارەیەوە راگەیێندراوێکی بڵاو کردەوە کە تێیدا هاتووە:

"٢٥ی ئازار لە کاتژمێر ١٢:٣٠ خولەک هێزەکانمان لە هەرێمی هەفتانین لە دژی داگیرکەران لە گردی شەهید شێخ مووس چالاکیەکیان ئەنجامدا. لەو چالاکیەدا گورزێکی کوشتندە لە سەنگەر و حەشارگەکانی دوژمن درا و لە ئەنجامدا ٤ سەرباز کوژران و ٣ سەربازی دیکەش بریندار بوون. سوپای داگیرکەری دەوڵەتی تورک دوای چالاکیەکە سەربازە کوژراو و بریندارەکانی بە هەلیکوپتەری سکۆرسکی لە ناوچەکە دوور خستەوە. دواتریش فڕۆکە جەنگیەکان ناوچەکەیان بوردومان کرد."

ز.ش