لە کاتژمێر ٨ ى بەرەبەیانى ئەمڕۆ لە کامپى پەنابەرانى شەهید ڕۆستەم جودى لە شارۆچکەى مەخمور ،هەڵبژاردن بۆ دیارییکردنى هاوسەرۆکان و ئەندامانى ئەنجومەنى شارەوانى گەل دەستپێکردووە و بڕیارە تا کاتژمێر ٥ی ئێوارە پرۆسەکە بەردەوام بێت.

لە هەڵبژاردنەکەدا چوار کەس کێبڕکێ دەکەن بۆ هاوسەرۆکایەتیی، کە پێویستە دوو کەس (ژنێک و پیاوێک) هەڵبژێردرێن.

بۆ بوون بە ئەندامی ئەنجومەنى شارەوانى مەخمور ٢٥ کەس کێبڕکێ دەکەن و پێویستە حەوت کەسیان هەڵبژێردرێن.

پرۆسەکە لە هەشت ناوەند بەڕێوەدەچێت و هاوڵاتیان بەشێوەیەکى بەرفراوان بەشداریى دەکەن و دەچنە سەر سندوقى دەنگدان.

لە کامپى پەنابەرانى شەهید ڕۆستەم جودى – مەخمور دوو ساڵ جارێک هەڵبژاردن بە مەبەستى دیارییکردنى ئەندامانى ئەنجومەنى شارەوانى و هاوسەرۆکانی شارەوانیی بەڕێوەدەچێت.

ف.ق