پلاتفۆرموو هۆرام-ی: راسی پەکەکە-ی، راسی ژیواو مێزۆپۆتامیاین

پلاتفۆرموو هۆرام-ی دەستنیشانش کەردەن: راسی پەکەکە-ی، راسی ژیواو مێزۆپۆتامیاین و ئا پارتە ڕابەری، ئۆجالانی بە ئەوەوانای پەی ویەردەی سیاسی و کۆشیای لایانەکاو وەلێ وێش، هەنگامێ پتەوەش پێ ئازادی و سەر بە وێبیەی گەلوو کوردی نیا.

بەیاننامەو پلاتفۆرموو هۆرام-ی بە بۆنە ٤٣مین ساڵڕۆ ئەرەمەرزنایرەو پارتوو کرێکارا کوردستانی- ( پ.ک.ک ).

هەر پاسە زانمێ پەکەکە پسۆ جووڵانەوێوە کوردی جە قۆناخێنە دەسش بە کۆشیای کەرد کە سەرەراو بە هێز بیەو داگیرکەرا کوردستانی جە هەر چوار پارچەی، ئاش بەتاڵوو مستەفا بارزانی جە ساڵەو ١٩٧٥ هیوا و ئیرادەش جە دلێ گەلوو کوردی ڕوو بە کزی بەردەبێ. پەکەکە بە ڕابەری، بەرێز ئۆجاڵانی بە وانایۆ ویەردەو سیاسی و کۆشیاو لایانەکاو وەلێ وێش هەنگامێ پتەوەش پێ ئازادی و سەر بە وێبیەو گەلوو کوردی هۆرگێرتە .

 ٢٧-١١-١٩٧٨ی پسۆ ڕۆو ئەرەمەرزنارەی پەکەکە-ی، پسۆ ڕۆو ژیوایۆ گەلەکەیما تەماشە مەکریۆ. گەلێ کە جە گرد بەشەکانە تەسلیمبیەیش جە وەرانوەروو داگیرکەرانە قبووڵ کەردەبێ، بەڵام پەکەکە بە پەشتبەستەی بە پەنەیاونای تاکوو کوردی و بە بنەماگێرتەی ئەخڵاقی کۆمەڵایەتی و پەشتبەستی بە توانایی ئابووری و هێزوو وێش، جارێ تەر رۆحوو کۆشیای و مدرامانیش جە دلێ گەلوو کوردینە زینە کەردەوە. جە دماو ٤٢ ساڵان، پەکەکە بە بەردەوام بییەی سەروو باوەڕبییەی بە کۆمەڵگای ئازاد و دیموکراتیکی و بە بنەماگێرتەو سیاسەتوو خەتەو یەرەمینی، مەرزەکێ کورد و کوردستانیش جیا ئاستێ و پسۆ خەتێ فکری و بزافێ شۆرشگێری جە وەرکەوتوو دڵێراسەینە و جیهانەنە راسی گەلوو کوردییش بەروست.

چێروو سێبەرەو تێکۆشانوو پەکەکە-یەنە بە ملیونان ئینسانێ، بە هەزاران ناوەندێ و بە سەدان کۆگێ و حزبێ رێکێوزیێ و دژ بە ناوەندەکێ دەسەڵاتی بەشکۆداری ژەنا و جوانا پەی یاوای بە مافەکاشا کۆشیای درێژەش هەن. ئێمەیچ پسۆ پلاتفۆرموو هۆرام-ی رێکوستەیۆ و باوەڕ بە وێبییەی دووبارەو وێما پەی ئەرەمەرزنایرەو کۆمەڵگایە ئازاد و دیموکراتیکی بە شناسنامەو وێما جە سێبەرەو وەنەکۆشای پەکەکە-یەن و فەلسەفەو ڕابەر ئاپۆی زانمێ.  پەکەکە جە ٤٢ساڵێ ویەریەردێنە نیشانەش دا کە ئامانجەکێش جە حزب، پارچێوە جە کوردستانی و نەتەوەێوە، گەورەتەرێنێ، بە جۆرێ بە تێکۆشانوو  بە کۆشایشو وێش، جیاوازی کۆمەڵگایە دەسەڵاتوازییش چەنی کۆمەڵگایێوە ئازادی، کۆمەڵگایە تەسلیمبیە چەنی کۆەڵگایێوە شۆڕگێڵی، کۆمەڵگایە دیکتاتور چەنی کۆمەڵگایێوە دیموکراتیکی، کۆمەڵگایە تاک باوەڕی چەنی کۆمەڵگایێوە فڕە باوەڕ، کۆمەڵگایە پیاسالار چەنی کۆمەڵگایێوە یەکسانیوازی، کۆمەڵگایە فاشیست چەنی کۆمەڵگایێوە فرە ڕەەنگیش،نیشانەدا.
سەروو ئا بنەمایە متاومێ واچمێ؛ کۆشیای پەکەکە-ی، کۆشیایەن پەی سەرجەم مرۆڤایەتی و گەلە چێردەسەکێ جیهانی تا بە مافەکانشا بیاوانێ. پەوچی جە ڕوێ پسۆ ئاڕۆینە بەرکەوتەو ٤٣مین ساڵەو وەرەتاوو کوردا، جە خانەوادەو سەربەرزوو شەهیدا، ڕابەر ئاپۆی، گریلاکێ ڕاو ئازادی، گەلە چێردەسەکاو جیهانی و بە تایبەت گەلەکەیما مۆبارەکبایی مەکەرمێ. سەرەڕاو ئانەیە پسۆ پلاتفۆرموو هۆرام-ی بانگەوازیما ئانەن کە جوانێ هۆرامانی بە بەشداری جە خەباتوو گریلایی ئەرکوو تاریخی وێشا کە یاوایەن بە ژیاوایە ئازاد و یەکسانی بەجا باوەرانێ. کۆشیای جە چوارچێوەو پەکەکە-ی و فەلسەفەو ڕابەر ئاپۆ-یەنە ، کۆشیایەن پەی زینڎە کەردەیۆ راسیەکاو ژیواو مێزۆپۆتامیای، ئا ژیوایە کە سەرچەمەو ژیوایە ئیکۆڵۆژیک، دیموکراتیک، یەکسانواز و پێوەرە ژیواو گەلا بنەڕەتشەن.