دوای راگەیاندنی کەمپەینی دەرکردنی پەکەکە لە لیستی تیرۆر لە سەرانسەری جیهان، لە چوارچێوەی کەمپەینەکەدا لە سلێمانی و کەرکوکیش بە دروشمی ' کاتی ئازادی، کەمپەینی دەستپێشخەری نێونەتەوەیی، دادپەوەری بۆ کوردان، داوای بەپەکە دەکەین کە پەکەکە لە لیستی تیرۆر دەربهێنرێت' کەمپەین راگەیەنرا و داواکرا هاوڵاتیان پشتگیری لە کەمپەینەکە بکەن.

لەم چوارچێوەیەدا لە زۆر ناوچەی وەک رانیە، هەلەبجە، گەرمیان و زۆر دەڤەری دیکە ستاندی کۆکردنەوەی واژۆ بە مەبەستی دەرکردنی پەکەکە لە لیستی تیرۆر راگەیەنرا.

لە سلێمانی لە نوەندی بازار، تەڤگەری ئازادی ستاندی واژۆکۆکردنەوەی دانا.

لە ستاندەکە هەروەها کتێب و رۆژنامەیەکی تایبەت بە پیلانگێڕی بڵاوکرانەوە.

پێشوازیەکی گەرم لە کەمپەینەکەکرا

هاوڵاتیەک بە ناوی حاجی تەها کە کەمپەینەکەی واژۆ کرد رایگەیاند، بە درێژایی مێژوو کورد لەسەر ئەم خاکە دەژی و چاویان لە خاکی خەڵکی نییە و وتی، " ئێمە مرۆڤحەز و خاوەن کەلتورین. بەداخەوە دوژمنانی کورد هێرشی سەخت لەبەرانبەرمان ئەنجام دەدەن."

'ئێمە تیرۆریست نین، بەڵکو شۆڕشگێرین'

حاجی تەها ئاژامەی بە بابەتی تیرۆر کرد و وتی، " پێمان دەڵێن تیرۆر، بەڵام ئێمە تیرۆریست نین، شۆڕشگێرین. ئێمەی شۆڕشگێر بۆ ئەوەی نەتەوەکەمان لەدەستی تورک، فارس و عەرەبەکان دەربهێنین تێدەکۆشین. لەبەرئەوەش پێمان دەڵێن تیرۆریست. ئێمە تیرۆریست نین، شۆرشگێرین."

'پێویستە خاوەنداری لە ڕێبەر ئۆجالان بکەین'

تەها باسی رۆڵی عەبدوڵلا ئۆجالان ڕێبەری گەلی کورد کرد و وتی، " لەم ڕۆژەی ئێمەدا بۆ گەلی کورد کەسێکی گرنگە و پێویستە خاوەنداری لە ڕێبەر ئۆجالان بکەین و پێویستە داواکاری ئازادی ڕێبەر ئاپۆ بڵاوبێتەوە. وەک ئەمڕۆ وەک کەسێکی نیشتیمانپەروەر واژۆ لەسەر کەمپەینی ئازادی بۆ ڕێبەر ئاپۆ و دەرکردنی پەکەکە لە لیستی تیرۆر دەکەم."

'پشتگیریەکی زۆر بۆ کەمپەینەکە هەیە'

گەنجێک بە ناوی ئامانج محەمەد کە لە ستاندی دەرکردنی پەکەکە لە لیستی تیرۆر واژۆ کۆدەکردەوە وتی، " بۆ ئەوەی پەکەکە لە لیستی تیرۆر دەربهێنرێت ئێمە لە سلێمانی ستاندمان داناوە و واژۆ کۆدەکەینەوە. داوا لە هەموو کوردانی بە شەرەف دەکەین کە بەشداری لە کەمپەینەکە بکەن و واژۆ کۆبکەنەوە."

ئامانج محەمەد لەبارەی پشتگیری گەلیش وتی، گەل زۆر باش و ئەرێنی لە کەمپەینەکە نزیک دەبێتەو. گەل خۆشحاڵە کە کەمپەینێکی بەم شێوەیە لە سلێمانی هەیە و پشتگیری لێدەکەن."
ف.ق