قوباد تاڵەبانی شەهیدکردنی شوکری سەرحەدی شەرمەزار کرد
قوباد تاڵەبانی شەهیدکردنی شوکری سەرحەد ئەندامی کۆمیەتی ماڵباتی شەهیدانی لە سلێمانی شەرمەزار کرد و رایگەیاند، پێویستە تاوانباران بە زوترین کات دەستگیر بکرێن.
قوباد تاڵەبانی شەهیدکردنی شوکری سەرحەد ئەندامی کۆمیەتی ماڵباتی شەهیدانی لە سلێمانی شەرمەزار کرد و رایگەیاند، پێویستە تاوانباران بە زوترین کات دەستگیر بکرێن.
ئەمڕۆ کاتژمێر ٠٩:٠٠ی بەیانی لە گەڕەگی چوارچرای شاری سلێمانی، شوکری سەرحەد ئەندامی کۆمیەتی ماڵباتی شەهیدان لەلایەن کەسانی نەناسراوەوە، درایە بەر دەستڕێژی گولـلە و لە ئەنجامیدا شەهیدبوو.
قوباد تاڵەبانی جێگری سەرۆکی حکومەتی هەرێمی کوردستان لەمبارەیەوە راگەیەنراوێکی بڵاوکردەوە.
راگەیەنراوەکەی تاڵەبانی بەم شێوەیەیە:
"بەتوندی ئیدانەی تیرۆركردنی (شوكری سەرحەد) دەكەم، كە ئەمڕۆ هەینی ١٧/٩، لە سلێمانی تیرۆر كرا.
داوا لەلایەنە ئەمنییەكان دەكەم، شەو و رۆژ بخەنە سەر یەك لەپێناو دەستگیركردنی تاوانباران و رادەستكردنیان بەدادگا بۆ ئەوەی سزای یاسایی خۆیان وەربگرن.
ھەر لێرەشەوە رایدەگەیەنین؛ كە سلێمانی شاری ئارامی و سەقامگیرییە بۆ ھەمووان و ھەموو كەسێكیش دەتوانێت لە ژێر سایەی ئارامی و ئاسایشی ئەم شارە ژیانی خۆی گوزەر بكات بێ ھیچ جیاوازییەك."
هەر ئەمڕۆ کۆمیتەی پەیوەندیەکانی پارتی کرێکارانی کوردستان (پەکەکە) راگەیەنراوێکی بڵاوکردەوە و باسی ئەوەی کرد کە، ئەرکی حکومەتی هەرێم و بە تایبەتی بەرپرسانی هەرێمی سلێمانیە کە بکوژەکان ئاشکرا بکات و لەمبارەیەوە روونکردنەوە بدەن.
ف.ق