تەرمی شەهید سەرحەد بەڕێدەکرێت
تەرمی شەهید ‘شوکری سەرحەد’ کە لە ئەنجامی هێرشێکی چەکداریی میتی تورکدا لە سلێمانی شەهید کرا، بەڕێدەکرێت.
تەرمی شەهید ‘شوکری سەرحەد’ کە لە ئەنجامی هێرشێکی چەکداریی میتی تورکدا لە سلێمانی شەهید کرا، بەڕێدەکرێت.
ئەمڕۆ کاتژمێر ٠٩:٠٠ی بەیانی لە گەڕەگی چوارچرای شاری سلێمانی، “یاسین بولوت” ئەندامی کۆمیتەی خانەوادەی شەهیدانی پەکەکە، کە بە ‘شوکری سەرحەد’ ناسراوە، لەلایەن میتی تورکەوە درایە بەر دەستڕێژی گولـلە و لە ئەنجامیدا شەهیدبوو.
تەرمی شەهید شوکری سەرحەد کە چوار گولـلەی بەرکەوتبوو و شەهیدبوو، لە پزیشکی دادی سلێمانییەوە براوەتە مزگەوتی ‘ئەحمەدی حاجی عەلی’ لە گەڕەکی سەرچناری سلێمانی و دوای کاروباری ئاینی، بە مەرسیمێکدا تەرمەکەی بەڕێدەکرێت.
کۆمیتەی پەیوەندیەکانی پەکەکە لەمبارەیەوە راگەیەنراوێکی بڵاوکردووە و رایگەیاندبوو، کە پێویستە خاوەنداری لە بیرەوەریەکانی شەهید یاسین بوڵوت بکرێت و حکومەتی هەرێمی کوردستان و بەرپرسانی سلێمانی لەبەرانبەر کردەوە قێزەونەکانی میتی تورک و حکومەتی ئاکەپە و مەهەپەی فاشێست بێدەنگ نەبن.
ف.ق