ڕێکخراوی ژنانی ئازادی کوردستان (ڕژاک) لە ١١ ی نیسانی ٢٠٢٣ بە درووشمی "مافی هیوا بۆ ڕێبەر ئۆجالان" کەمپینێکی نامەناردنی بۆ نەتەوە یەکگرتووەکان دەست پێ کرد. ڕژاک بانگەوازی لە هەموو ژنان و بەتایبەت ژنانی باشوری کوردستان کردبوو، بەشداری کەمپینەکە ببن، بەرامبەر گۆشەگیری سەر ڕێبەری گەلی کورد عەبدوڵا ئۆجالان بێدەنگ نەمێنن. لەسەر بانگەوازی ڕژاک، ژنانی عێراق و باشوری کوردستان، سەدان نامەیان بۆ نەتەوە یەکگرتووەکان نارد و هەست و هیوایان خۆیان بۆ ڕێبەری گەلی کورد عەبدوڵا ئۆجالان دەربڕی. ،

پێویستە دژی گۆشەگیری تێکۆشان بەهێزتر بکرێت

لە نامەی ژنێکدا بە ناوی بێگەر ئازادی لە باشوری کوردستان، گوتراوە: "وەک دایکێک سوپاسی ئێوە دەکەم. چونکە یەکەم کەس بوون باوەڕتان بە ژن هێنا و بۆ ئازادی ژن شۆڕشتان کرد. تا گۆشەگیری گرانتر بێت، دەبێت ئەوەندە تێکۆشان بەهێزتر بێت. بێگومان گۆشەگیری دەشکێنرێت و ئازادی جەستەیی ڕێبەر ئاپۆ پێکدێت. وەک دایکێک ڕای دەگەیەنم، تێکۆشانمان بۆ ئازادی ڕێبەری گەلی کورد و کوردستان بەردەوام دەبێت".