بزووتنه‌وه‌ی شۆڕشگێڕیی یه‌كگرتووی گه‌لان: شۆڕشی یه‌كگرتوو تاكه ڕێگه‌ی ڕزگارییه
بزووتنه‌وه‌ی شۆڕشگێڕیی یه‌كگرتووی گه‌لان ڕایگه‌یاند، گه‌ریلاكانی فه‌رمانداره‌تیی هاوبه‌ش شۆڕشی یه‌كگرتوو به‌رفره‌وان ده‌كه‌ن.
كۆمیته‌ی به‌ڕێوه‌به‌ری بزووتنه‌وه‌ی شۆڕشگێڕیی یه‌كگرتووی گه‌لان (HBDH) ڕاگه‌یه‌نراوێكی بڵاوكرده‌وه و ڕایگه‌یاند، له ئه‌نجامی چالاكیی گه‌ریلاكانی فه‌رمانداره‌تیی هاوبه‌ش له ١٨ی نیسان و ١ی حوزه‌یران له ئاگری و ئیدر، ژماره‌یه‌كی زۆری سه‌ربازی ده‌وڵه‌تی تورك كوژراون.
له ڕاگه‌یه‌نراوه‌كه‌دا ئاماژه به زوڵم و زۆرداری ڕژێمی ئاكه‌په - مه‌هه‌په كراوه و تیایدا هاتووه، ته‌شه‌نه‌كردنی زوڵم ده‌ریده‌خات كه سه‌رده‌سته‌كان لاواز بوون و له قۆناغی له‌ناوچووندان.
بزووتنه‌وه‌كه ڕایگه‌یاند، «ئه‌ركی ئێمه ئه‌وه‌یه پڕۆسه‌ی له‌ناوبردنی ئه‌وان خێراتر بكه‌ین و ئه‌م سیسته‌می زوڵمه به خاوه‌نه‌كانیشییه‌وه له‌ناوببه‌ین. ئه‌م سیسته‌مه تاریكه كه ژیانی له گه‌لان تێكداوه ده‌بێ هه‌ڵبوه‌شێنرێت. تاكه رێگه‌ی ڕزگاریی گه‌لانیش تێكۆشانی شۆڕشگێڕی و شۆڕشی یه‌كگرتووه.»
له درێژه‌ی ڕاگه‌یه‌نراوه‌كه‌دا ده‌رباره‌ی چالاكییه‌كانی گه‌ریلا له ئاگری و ئیدر هاتووه، «هێزه‌كانی بزووتنه‌وه‌ی شۆڕشگێڕیی یه‌كگرتووی گه‌لان له هه‌موو شوێنێكی كوردستان و توركیا تێكۆشان به‌رفره‌وان ده‌كه‌ن و به‌دڵنیاییه‌وه سه‌رده‌كه‌ون.»
s.m
