لایەنگرانی  TKP-MLو چەندین پارت و رێکخراوی شۆڕشگێری بەشداری مەراسیمی بەبیرهێنانەوەکە بوون.

مەراسیمەکە بە خولەکێک وەستان بۆ رێزگرتن و سرودی نەتەوەیی دەستی پێکرد.

نوێنەری ناوەندی سیاسیی کۆمیتەی ناوەندیی TKP-ML لە مەراسیمەکەدا قسەی کرد و باسی لە گرنگی کۆنگرەی یەکەمی TKP-ML لە مانگی نیسانی ٢٠١٩ کرد.

هاوکات لە مەراسیمەکەدا شەهیدانی رۆژئاوای کوردستان، بە تایبەت شەهید نوبەهار ئازادیان، سەردار جان و شەهیدانی مانگی کانونی دووەم بەبیر هێنرانەوە.

لەسەر ناوی بزوتنەوەی یەکێتی شۆڕشگێرانی گەلان- HBDHپەیام پێشکەش کران و باس لەوە کرا،"ئەمڕۆ سیستمی کاپیتالیست و ئیمپریالیست لەسەر خاکی تورکیا و کوردستان فاشیزمی دروست کردووە و لە دژی ئەم سیستمی فاشیزمە، تێکۆشانمان بەرفراوانتر دەکەین و سەردەکەوین. تێکۆشانی هەموو چینە بندەستەکان، بە تایبەت گەلی کورد، بە شۆڕش سەردەکەون."

دوای قسەکان و وتنەوەی دروشمی شۆڕشگێری، مەراسیمەکە کۆتایی پێهات.

ز.ش