وەزارەتی تەندروستی عێراق ئاماری ٢٤ کاتژمێری ڕابردووی تۆمارکردنی حاڵەتەکانی تووشبووان و مردن و چاکبوونەوەی کۆرۆنای ڕاگەیاند و بەپی ئامارەکە ئەمرۆ لە عێراق زیادتر لە سەد کەس بەهۆی کۆرۆنا گیانیان لەدەستداوە.
وەزارەتی تەندروستی و ژینگەی عێراق ئاماری ئەمرۆ ٢٧ی حوزەیرانی ڕاگەیاند و تیدا هاتووە کە ئەمرۆ ١٠١ حاڵەتی مردن لە عێراق هەبووە بەهۆی پەتای ڤایرۆسی کۆرۆناوە.
هەروەها وەزارەتەکە ڕاشیگەیاند لە سەرەتای دەرکەوتنی پەتای کۆرۆنا لە عێراق هەزار و ٦٠٦ حاڵەتی مردن بەهۆی کۆرۆناوە لە عێڕاق تۆمارکراوە.
ئاماری گیان لەدەستدانی ئەمرۆ بەم پێیەی خوارەوە بوو:
بەغدا ٢٨، نەجەف ٢، سلێمانی ١٢، هەولێر ١، کەربەلا ٥، کەرکوک ٣، دیالە ٢، واست ١، بەسرە ٧، میسان ١٣، بابل ١، دێوانیە ٥، زیقار ١٩، ئەنبار ١ و سەلاحەدین ١ حاڵەتی مردن بەهۆی کۆرۆناوە.
ز.ش
