هه‌په‌گه ڕایگه‌یاند، فڕۆكه‌جه‌نگییه‌كانی سوپای تورك ڕۆژانی ١٠ و ١٢ی كانوونی دووه‌م بۆردومانی هه‌رێمه‌كانی پاراستنی مه‌دیایان كردووه، به‌ڵام هیچ زیانێك به گه‌ریلاكان نه‌گه‌یشتووه.
ناوه‌ندی ڕاگه‌یاندنی هێزه‌كانی پاراستنی گه‌ل (هه‌په‌گه) ده‌رباره‌ی بۆردومانی فڕۆكه‌جه‌نگییه‌كانی سوپای توركی داگیركه‌ر ڕاگه‌یه‌نراوێكی بڵاوكرده‌وه. له ڕاگه‌یه‌نراوه‌كه‌دا هاتووه: «ڕۆژی ١٢ی كانوونی دووه‌م\٢٢ی به‌فرانبار كاتژمێر ١٥:٣٠ و ١٧ فڕۆكه‌جه‌نگییه‌كان بۆردومانی ناوچه‌ی وه‌رخه‌لێی هه‌رێمی زاپ، ناوچه‌ی خانتوریی هه‌رێمی حه‌فتانین، ناوچه‌ی جیلۆی بچووك له هه‌رێمی زاپ و ناوچه‌ی كانی ساركێی هه‌رێمی گارا-یان كرد. هه‌روه‌ها فڕۆكه‌جه‌نگییه‌كان ١٠ی كانوونی دووه‌م\٢٠ی به‌فرانبار-یش كاتژمێر ٢١:٣٠ بۆردومانی ناوچه‌ی كانی ساركێی هه‌رێمی گارا-یان كرد.»
هه‌په‌گه رایگه‌یاندووه، به‌هۆی ئه‌و بۆردومانانه هیچ زیانێك به هێزه‌كانیان نه‌گه‌یشتووه.
s.m
