دۆناڵد تڕەمپ سەرۆکی ئەمریکا دوای کۆبوونەوەی لەگەڵ تەیب ئەردۆغان سەرۆک کۆماری تورک لە کۆشکی سپی لە کۆنفرانسێکی ڕۆژنامەوانی هاوبەشدا لەگەڵ ئەردۆغان ئاماژەی بە کڕینی سیستمی ئێس٤٠٠ و فڕۆکەی ئێف٣٥ لە لایەن دەوڵەتی تورکەوە کرد و وتی، "لەو پرسەدا نەگەیشتوونەتە ڕێککەوتن."

تڕەمپ باسی لە هێرشی داگیرکەری تورکیاشی کرد و بانگەشەی ئەوەی کرد گوایە ئاگربەست بەردەوامە و وتی، "تورکیا بەرپرسیاری خۆی بەجێدەهێنێت و هێزەکان دەیانەوێت ئاگربەست سەرکەوتووبێت."

تڕەمپ بانگەشەی ئەوەی کرد، سەردانی یاریدەدەرەکەی مایک پێنس و وەزیری دەرەوەی ئەمریکا مایک پۆمپیۆ بۆ تورکیا سەرکەوتوو بووە و وتی، " مانگی ڕابردوو پێنس و پۆمپیۆم ناردە ئەنقەرە و چاوپێکەوتنەکانیان ئەنجامدا. کۆبوونەوەکان سەرکەوتوو بوون. ئەمریکا و تورکیا کۆبوونەوەی گەورەیان ئەنجامدا. بۆ چارەسەرکردنی دۆخی ئاڵۆزی سەدان ساڵە قۆناغێکی گرنگیان تێپەڕاند. "ئەگەر مەبەستی تڕەمپ داگیرکەریش بێت، دیارە داگیرکەریان وەک چارەسەری پرسی کورد پەسەند کردووە."

ف.ق