هێرشی موشەکی لە بەرانبەر بنکەیەکی سەربازی ئەمریکا لە کەرکوک ئەنجامدرا

لە شاری کەرکوک لە بەرانبەر بنکەیەکی سەربازی ئەمریکا هێرشی موشەکی ئەنجامدرا.

بە پێی زانیاریەکان هێرشەکە لە بەرانبەر بنکەی سەربازی (کەی ١)ی کەرکوک ئەنجامدراوە. زانیاری زیاتر بڵاونەکراونەتەوە.

دواین جار ٢٧ی کانونی یەکەمی ٢٠١٩ بە ٣٠ موشەک هێرش بەرانبەر بنکەی سەربازی ئەمریکا ئەنجامدرابوو و سەربازێکی ئەمریکی کوژرابوو.

واشنتن بەرپرسیاری هێرشەکەی ٢٧ی کانونی یەکەمی ٢٠١٩ خستبووە سەر شانی هێزەکانی حزبوڵلای سەر بە حەشدی شەعبی و لە دژی بنکەکانی هێرشی ئەنجامدا و ٢٥ چەکداری کوشتبوو. هەروها ئەمریکا ٣ی کانونی دووەم لە نزیک فڕۆکەخانەی بەغدا هێرشێکی موشەکی ئەنجامدا و لە ئاکامدا قاسم سولەیمانی فەرماندەی فەیلەقی قودس و ئەبومەهدی موهەندیس جێگری فەرماندەی حەشدی شەعبی کوژران.

ف.ق