سەرسەبای هیزی، جە هۆڵو پڕۆفیسۆر مستەفا زەڵمی زانشتگاو هەڵەبجەی، بە سەرپەرشتی زانشتگاو هەڵەبجەی و زانشتگاو کوردستانی جە شارو سنەی، یوەمین کۆنفڕانسو میاندەوڵەتی هەورامانشانسی ساز کریا. جە کۆنفڕانسەکەنە ژمارێوی فرۍٚ هەوراماندۆستۍٚ ئامادۍٚ بیۍٚ و جە میانشەنە سەبارەت بە لایەنە جیاۋازەکۍٚ هەورامانی چنڎین بڕگۍٚ و بابەتۍٚ پێکەشۍٚ کریۍٚ و ئەرمانیۍٚ.
سەرەتا ئەرمانگاو ۋێنەی ڕێکوزیا کە ژمارێو جە فۆتۆگرافەرۍٚ بە ۋێنەکانشان گوزارەشان جە سروشت، ژیوگا، هونەر، فەرهەنک و نەریتو هەورامانی کەرد. 

دماتەر وتارۍٚ لیژەنەو ئامادەکاری کۆنفڕاسی جەلاو (د.ئاریان سدیق)، سەرۆکو بەشو کوردی زانکۆو هەڵەبجەی و (پ.د.مهاباد کامل عەبدوڵا) سەرۆکەو زانکۆو هەڵەبجەی، پێشکەشۍٚ کریۍٚ و جە میانشانە ئاماژە بە ئامانج و گرنگی کۆنفڕانسەکەی دریا و باس جە ئانەی کریان ئی کۆنفڕانسە و چنڎین کۆنفڕانسۍٚ تەرۍٚ کە زانکۆو ڕازی کرماشانی ئەنجامۍٚ دریێنۍٚ چوون ئامادەکاریێوەن پەی کۆنگرەو میاندەوڵەتی هەورامانشانی کە بڕیارەن جە مانگەو ١١یەنە جە زانکۆو کوردستانو شارو سنەیەنە ڕێکبۋزیۆن.
شۆنیەرە، (پ.د.ئومێد قادر زادە)، قسێش کەردۍٚ و باسش جە هەنگامەکۍٚ پەی بەستەی کۆنگرەو میاندەوڵەتی هەورامانشانی کەرد.
دمابەدمای وتارەکان، پنێلۍٚ لۋێڕاوە بە ئیجۆرە:

- پ.دکیومەرس ئیراندوست، بابەت/ (هەورامان جە حکومەتی ناوچەییەوە بەرەو حکومەتی نەتەوەیی). 

- م. ئەیوب کوێخا ڕۆستەم، بابەت/ (پەیوەندی ڕۆحی جە شیعرەو مەولەویەنە). 

- پ.د.حسێن دانشمیهر، بابەت/ (هەورامان جە ڕووو بنەما جیهانییەکانو پەرەپنەدایەنە).

- م.هۆمایۆن ساحێب، بابەت/ (شیعرۍٚ هەورامییە).

کۆنفڕانسەکە بە گفتوگۆ بەشداربییەکا و بەخشای خەڵاتی چەنڎ فۆتۆگرافەرا و پانێلیستەکان و سەرۆکەو زانکۆو هەڵەبجەی دامایش پەەئاوما.

یاگۍٚ باسی و ڕەخنەیەن کە سەرجەم بابەتۍٚ کۆنفڕانسەکەی بە کوردی سۆرانی پێشکەشۍٚ کریۍٚ، جە حاڵەتێوەنە کۆنفڕاسەکە سەبارەت بە هەورامانشانسی بێ کە زۋانی هەورامی بناغەکەشەن. ئانەیچە بە کەموکوڵی گەورەو کۆنفڕانسی و ڕێکۋزەکانش بەنامێ کریا و ڕەخنەش ونە گیریا.