بەپێشەنگایەتی کۆمیتەی رۆژئاوا و ناوەندی کۆمەڵگای کوردی دیموکراتیک (جەدەکە) لە گۆڕەپانی موهلەپلاتز لە شاری لوزێرنی سویسرا کوردستانیان و سویسرییەکان کۆبوونەوە و رێپێوانێکیان ئەنجامدا.

لە وتاری بەر لە دەستپێکردنی رێپێوانەکەدا لەسەر ناوی کۆمیتەی رۆژئاوا پەیامی پاراستنی شۆڕش لە دژی هێزە داگیرکەرەکان و هاوکارانیان کە دەیانەوێت شۆڕشی رۆژئاوا لەناوببەن، کە بەر لە ١٠ ساڵ بناغەی مۆدێلی ژیانی ئازادی ژن، ئیکۆلۆژیک تیایدا دانران.

هاوسەرۆکی جەدەکە- لوزێرن ئەرجان گونەش دەستنیشانی کرد کە دەوڵەتانی ئەوروپی ئەمڕۆ هەم لە رووی ئابوری و هەم لە رووی فرۆشتنی چەک هاوکاری ئەو هەڕەشە و هێرشانەن بۆ سەر رۆژئاواو وتی: "ئێمە لە دژی ئەو هێرشانە بە پارادایمی ئازادی بەردەوام دەبین لە پاراستنی شۆڕشی رۆژئاوا".

دوای قسەکان بە بەرزکردنەوەی دروشم لە دژی هێرشەکانی سەر رۆژئاوا داوای پاراستنی کرا و جەماوەر دەستی بە رێپێوان کرد. لە گردبوونەوەدا لە گۆڕەپانی هەلڤێتی پلاتزگوێ لەو پەیامە دەنگیانە کرا کە شەڕڤانانی ئینتەرناسیۆنالیست لە رۆژئاواوە ناردبوویانن.

چالاکیەکە بە وتنەوەی دروشم بەردەوام بوو.

هـ . ب