ڕێکوزیاو ژەنا ئەدەنەنە دژوو دەسملەرەگێرتەیی ئیرادە پێکئامەو "ژەنا پەی دیموکراسی"یشا ئەرەمەرزنا، ژەنی پی بۆنەوە وەردەموو بیناو شارەوانیی شاری گەورەو ئەدەنەینە کۆنگرێوی ڕۆنامەوانییشا بەست، بە درووشموو "ژەنی، ژیوای، ئازادی" و بە چەپڵەڕێزان جوابوو تەوقەدای پۆلیسیشا داوە.

"ڕا نمەدەیمێ بە دەسملەرەگێرتەی"

دەلال ئۆزبەی بە نامیێ ئەرەیاوناکەیوە ئەرەیاوناێوەش واناوە، ئاماژەش پانەیە کەرد،تاوانەکاو دژوو ژەنا، بەبێ سزا مویەرانە، واتش: "ڕا نمەدەیمێ ئا مافێ، کە بە یاسا بەدەسما ئاردێنێ، دەسشا ملەرە بگێرا".

ئۆزبەیە واتش قەیوم هاموەخت کودەتان دژوو سیستموو سەرۆکایەتی و واتش: "سیاسەتوو راوەبەردەی قەیومی کە ددانێ نمەنیۆ بە گەلوو کوردیرە، ژەنی مەحکووم مکەرۆ  بە تندوتیژیی جەستەیی و دەروونی و سیاسەتی دوژمنکارانەشا قبووڵ نمەکەرمێن. پێویسا ئی دەسەڵاتە ئیرادەو گەلی دەسەبەر مکەرۆ، دەس جە نیایرەی قەیومی هوربگێرۆ واوەی داوا جە دەسەڵاتی و لایەنگێراش مکەرمێ، ڕا نمەدەیمێ بە نامێ قەیومیوە ئیرادەیما زەوت بکەرا و دەسکەوتەکاما بەرا دلێنە و داوا وەنەو گردوو ژەنا مکەرمێ پەی ماف و ژیوایما وێشا ڕێک بوزانە و بکۆشیا ".