زیارەتکەردەی حاجییا پەی وەڵاتوو سعودیەی پەی حەج، یۆ جە گەورەتەرین جەمۆبییەیە ئاینییەکان جیهانەنە. ئێساڵیچەنە ئا جەمۆبییە ئایینەیە کەوتەن وەختێو کە پلەکاو گەرمای چا وەڵاتەنە فرە بەرزێ بیێنێوە، ئینەیچ بییەن بایسوو ئانەیە چندین قوربانیێش چنە گناوە.  

پێوەس پا ڕووەدایاوە، وەزارەتوو تەندروسیی سعودیەی واتش تەنیا ڕۆو یەکشەممەی وەختوو بەیاگەئاردەی فەرزیەو دماینوو حەجی گەورەینە زیاتەر جە ٢ هەزارا و ٧٠٠ ڕووەدایا "هۆشوووێلوای بۆنەو پلەو گەرمایوە" تۆمارێ کریێنێ.

پەی ئی مەبەسیچە وەزارەتوو تەندروسیی سعودیەی ڕاو کەناڵەکاو ئەرەیاونای ئاوەڵاتیوە واتەنش: "پێویسا ڕاوشۆنی پێویس وەراوەروو بەرزبییەیوە پلەو گەرماینە بگیریۆرە وەر، حاجیێ وەختوو بەرزیی پلەو گەرمایی فرەینە نەلانێ بەرۆ، یا چەترە بەکاربارا پەی وێپارێزنای جە ڕووەدایە نەوازیایا بۆنەو بەرزیی پلێ گەرمایوە."

لێوە تەرۆ، کەششناسیی سعودیەی واتش، پلەکاو گەرمای مەککەنە یاوێنێ ٥١،٨پلێ.